三重認證係咩黎？
相信想入讀商科嘅同學仔都會聽過三重認證依個term，咁究竟其實又係咩黎嘅呢？三重認證其實係指授予全球各地頂尖學院嘅三項認證，分別係由三間最有影響力嘅認證機構頒發：EQUIS AMBA 同AACSB， 中文而言就係位於布魯塞爾嘅EFMD歐洲質量改善系統、位於倫敦嘅工商管理協會同埋位於美國佛羅里達嘅國際商管學院促進協會。
首先，EQUIS其實係指針對商學院同管理學院最全面嘅機構，比起普通大學嘅指定課程，佢地更多嘅係追求特定嘅商學院。雖然聽落去好似好普通好簡單咁，但如果要得到此認證，無論係課程、管理、學生或教職員方面等，都要全部進行嚴格嘅測試，以確保認證嘅質量依然維持係水平線以上。
第二就係AMBA，同EQUIS唔同嘅地方就係佢比較關注於商學院嘅MBA課程，佢係以學生嘅學習成果同就業機會為中心。簡單黎講AMBA就係監管住成果MBA課程嘅質量， 主要係睇下學校可唔可以頒發學位、個人同MBA畢業生雇主又係咪認同國際MBA認證體系等等。
最後就係AACSB，可以話係全世界最有權威嘅商學院認證以及都係世界管理教育領域中最具影響力嘅認證之一。當學院取得依個認證嘅時候就證明學院入面嘅教師資源同埋佢地嘅商業管理知識係達到一定嘅高水平，而其實係全世界就得5%嘅商學院可以攞到依項精英認證。
總括而言，以上嘅三項認證都有自己專注嘅重點，但如果有一間學院可以攞到以上嘅三個認證，就可以證明個間大學係眾多商學院之中嘅佼佼者。
英國又有邊幾間學院有以上嘅認證？
- 伯明翰大學：伯明翰商學院
- 杜倫大學：杜倫大學商學院
- 雷丁大學：雷丁大學亨利商學院
- 蘭卡斯特大學：蘭卡斯特大學管理學院
- 曼徹斯特大學：曼徹斯特商學院
- 拉夫堡大學：拉夫堡商學院
- 紐卡斯爾大學：紐卡斯爾商學院
- 利物浦大學：利物浦大學管理學院
- 根德大學：根德商學院
- 華威大學：華威商學院
係依度主要想同大家講下其中兩間係英國幾出名嘅商學院，分別就係伯明翰商學院同埋杜倫大學商學院。伯明翰大學作為其中一間歷史最悠久嘅商學院，大家都眾所周知佢嘅教學同研究水平都相當出色，而好多嘅講師同研究人員都係該領域有好高嘅國際聲譽。伯明翰商學院開設左經濟、財務、管理等嘅課程，分別有四個主要學系，就係管理學系、會計與金融系、經濟學系同市場營銷系。當然等學生畢業之後都會為學生提供唔同嘅實習機會，將理論同實踐合而為一。
而杜倫大學商學院就係英格蘭最早創立嘅第三間大學，主要係商務、金融、同管理行業嘅公司都一直保持著一個密切嘅關係。以上所提及嘅三重認證，其實杜倫大學係好早嘅時候就已經攞到了，除左主要嘅教學課程同埋研究之外，杜倫大學仲開設左開創性研究中心，比學生更加投入自身學習外，更能發展學生嘅創新潛能。 杜倫大學旨在會計與金融、市場營銷、戰略管理等核心科目上培養商業各界嘅領袖，除左MBA，杜倫大學仲提供左會計、經濟學、金融、伊斯蘭金融、管理與營銷方面嘅碩士課程。
如果想入讀商學院 可以點樣申請？
同學仔如果對入讀商學院有興趣，可以透過UCAS直接係網上申請英國各間大學，而係UCAS上面嘅所有課程都係受英國政府認證，而同學最多可以係網上系統到選擇5個嘅支援學位，完成申請之後，就可以上網查閱審核進度。
當然，如果同學仔覺得自行係網上申請嘅程序過於複雜，我地其實會建議學生尋求升學機構嘅幫助。SI-UK作為一間受英國各大學信賴嘅合作夥伴多年， 我地致力提供升學服務專門比從事本科生及研究生嘅同學仔申請。如果你有興趣選擇本公司作為你地嘅升學夥伴，可以蒞臨本公司並親自選擇適合你嘅升學顧問，與學生完成海外大學申請嘅每一步，以成功爭取進入同學所選嘅心儀大學。
